做足中式婚禮六部曲，新婚甜蜜又幸福。
明年結婚的姨甥仔很聰明。知道籌備結婚工序繁多，一早便鎖定目標，主攻婚紗展，速戰速決。
情侶們都知道，婚紗展包羅萬有，酒店酒樓婚紗店影樓餅店一次過大晒冷，任你問任你睇任你揀，最適合格價講價。尤其是找酒席場地的，至少九成設有喜宴服務的酒店酒樓餐廳也會擺檔，省掉環遊港九新界問期問價之苦，又可一次過看到這些酒店與酒樓的場地平面圖，問上十間八間，總有一間啱。
姨甥仔效率高，眨眼便選好了酒席與影樓。可是他回家後，仍然一頭霧水。
「聽阿媽話結婚前要甚麼過大禮、上頭之類。但係婚紗展唔多覺有講呢啲野既。係咪一定要做呀？」
我大妗姐Bonnie是時侯出馬：「其實這些是中式結婚習俗，希望新人永遠甜甜蜜蜜。做起來一點也不複雜的，記住中式婚禮六部曲就得，依次序是過大禮，搬嫁妝，安牀，上頭，出門及入門，三朝回門。」
「都無人擺檔。邊度搵人幫手呀？」姨甥仔問。
「你阿姨我咪得囉！從前這些中式婚禮習俗，都係大妗姐負責的。」
「係喎。不過大妗姐和自己阿媽做，甚至姊妹做，不是一樣嗎？」
請瀏覽：點解要請大妗姐
沒有留言:
張貼留言